«Барселона» ярим ҳимоячиси Педри Испания терма жамоасининг бўлажак жаҳон чемпионатидаги имкониятлари ҳақида ўз фикрлари билан ўртоқлашди.
Амалдаги Европа чемпионлари мундиалга асосий фаворитлардан бири сифатида йўл олмоқдалар — «кўк-анорранглилар»нинг юлдуз хавбеки ҳам бу фикрга қўшилади.
«Биз Испания ғалаба учун асосий номзодлардан бири эканлигини биламиз, чунки ажойиб натижалар кўрсатяпмиз ва таркибимизда жуда кучли авлод шаклланган. Аммо биз бунга ёпишиб олмаймиз — бор эътиборимизни ҳар бир алоҳида ўйинга қаратишга ва ривожланишда давом этишга ҳаракат қиламиз. Ишонаманки, биз юксак чўққиларни забт эта оламиз», — деди Педри Миср билан бўлиб ўтган ўртоқлик учрашувидаги дурангдан (0:0) сўнг берган интервьюсида.
Эслатиб ўтамиз, испанияликлар ЖЧ-2026 гуруҳ босқичида Кабо-Верде, Саудия Арабистони ва Уругвай терма жамоаларига қарши баҳс олиб борадилар.
