«Barselona» yarim himoyachisi Pedri Ispaniya terma jamoasining bo‘lajak jahon chempionatidagi imkoniyatlari haqida o‘z fikrlari bilan o‘rtoqlashdi.

Amaldagi Yevropa chempionlari mundialga asosiy favoritlardan biri sifatida yo‘l olmoqdalar — «ko‘k-anorranglilar»ning yulduz xavbeki ham bu fikrga qo‘shiladi.

«Biz Ispaniya g‘alaba uchun asosiy nomzodlardan biri ekanligini bilamiz, chunki ajoyib natijalar ko‘rsatyapmiz va tarkibimizda juda kuchli avlod shakllangan. Ammo biz bunga yopishib olmaymiz — bor e’tiborimizni har bir alohida o‘yinga qaratishga va rivojlanishda davom etishga harakat qilamiz. Ishonamanki, biz yuksak cho‘qqilarni zabt eta olamiz», — dedi Pedri Misr bilan bo‘lib o‘tgan o‘rtoqlik uchrashuvidagi durangdan (0:0) so‘ng bergan intervyusida.

Eslatib o‘tamiz, ispaniyaliklar JCH-2026 guruh bosqichida Kabo-Verde, Saudiya Arabistoni va Urugvay terma jamoalariga qarshi bahs olib boradilar.