"Манчестер Сити" ва Аргентина терма жамоасининг собиқ ҳужумчиси Серхио Агуэро "альбиселесте"нинг 2022 йилги Жаҳон чемпионатидаги зафари ҳақидаги хотиралари билан ўртоқлашди.
"Бу барча аргентиналиклар учун ақл бовар қилмайдиган воқеа бўлди. Ўша пайтгача Жаҳон чемпионатидаги охирги ғалабамиздан бери жуда кўп вақт ўтган эди. Биз ажойиб турнир ўтказиб ва менимча, тарихдаги энг яхши финалда ғалаба қозониб, янги зафарни қўлга киритдик. Лео бу совринга лойиқ эди, худди бутун жамоа, жумладан футболчилар ва мураббийлар каби. Улар учун жуда хурсанд бўлдим.
Мен ўйнай олмадим, чунки юракдаги муаммолар туфайли фаолиятимни тугатишга мажбур бўлгандим, лекин бутун жамоа мени ушбу байрамнинг бир қисми эканлигимни ҳис қилишга мажбур этди. Бу нафақат менга, балки ушбу титулга ўз ҳиссасини қўшган, аммо турли сабабларга кўра турнирда иштирок эта олмаган бошқа кўплаб ўйинчиларга ҳам тегишли.
Бу Лео ва иштирок этган барча йигитларнинг буюклигидан далолат беради. Ҳақиқатан ҳам улар бизнинг номимиздан майдонда жанг қилишаётганини ҳис қилдик. Ўйин услуби, руҳият ва фақат аргентиналикларга хос бўлган ноёб ўйин идентитети. Байрам тантаналарида улар билан бирга бўлиш имкониятидан жуда мамнун бўлдим, уларга мени ушбу воқеанинг бир бўлаги бўлишга рухсат берганлари учун раҳмат айтишдан ҳеч қачон тўхтамайман — бу ҳаётимдаги энг гўзал хотиралардан бири", — дея Агуэронинг сўзларини келтиради Goal.com.
