Европанинг топ-клублари "Байер" ҳужумчиси Кристьян Кофанега жиддий қизиқиш кўрсатишмоқда.

Инсайдер Флориан Плеттенбергнинг маълумотларига кўра, "Арсенал" 19 ёшли камерунлик иқтидорни диққат билан кузатмоқда. Кофане Чемпионлар лигаси 1/8 финали доирасида лондонликларга қарши кечган ўйинларда (1:1, 2:0) ўз ўйини билан "тўпчилар"да катта таассурот қолдирган.

Шунингдек, Кофане Англиянинг бошқа бир нечта гранд жамоалари ва Мадриднинг "Реал" клуби эътиборида турибди. "Байер" агар ёзги трансфер ойнасида футболчи сотиладиган бўлса, унинг учун 60-70 миллион евро атрофида маблағ талаб қилмоқчи.

Кристьян жорий мавсум Бундеслиганинг 24 та ўйинида майдонга тушиб, 5 та гол урди ва 3 та голли узатмани амалга оширди.