Польша терма жамоаси устози Ян Урбан жаҳон чемпионати йўлланмаси учун кечган кураш якунлангач, ўз мулоҳазалари билан ўртоқлашди. Унинг шогирдлари ҳал қилувчи баҳсда Швецияга 2:3 ҳисобида имкониятни бой беришди ва ўйиннинг 88-дақиқасида Дьёкерешдан ҳал қилувчи голни ўтказиб юборишди.
«Ўзимни мутлақо ожиз ҳис қиляпман. Жуда оғир ботди. Биз яхши ўйин ўтказдик. Ўйлайманки, ўйинимиз уларни ҳайрон қолдирди. Икки марта ҳисобни тенглаштирдик, бироқ якунда уларнинг мухлислари мезбонларга катта ёрдам беришди», — дея Урбаннинг сўзларини келтирмоқда УЕФА расмий сайти.
Польшаликлар охирги марта 2010 ва 2014 йилги мундиалларни ўтказиб юборишган эди. 2022 йили Қатардаги турнирда улар 1/8 финал босқичигача етиб боришган. Швеция терма жамоаси эса саралаш гуруҳида охирги ўринни эгаллаб, жаҳон чемпионатига йўлланма олган тарихдаги илк жамоага айланди. Улар УЕФА Миллатлар лигасидаги натижалари туфайли ўтиш (плей-офф) ўйинларига йўл олишган эди.
