Polsha terma jamoasi ustozi Yan Urban jahon chempionati yo‘llanmasi uchun kechgan kurash yakunlangach, o‘z mulohazalari bilan o‘rtoqlashdi. Uning shogirdlari hal qiluvchi bahsda Shvesiyaga 2:3 hisobida imkoniyatni boy berishdi va o‘yinning 88-daqiqasida Dyokereshdan hal qiluvchi golni o‘tkazib yuborishdi.

«O‘zimni mutlaqo ojiz his qilyapman. Juda og‘ir botdi. Biz yaxshi o‘yin o‘tkazdik. O‘ylaymanki, o‘yinimiz ularni hayron qoldirdi. Ikki marta hisobni tenglashtirdik, biroq yakunda ularning muxlislari mezbonlarga katta yordam berishdi», — deya Urbanning so‘zlarini keltirmoqda UYEFA rasmiy sayti.

Polshaliklar oxirgi marta 2010 va 2014 yilgi mundiallarni o‘tkazib yuborishgan edi. 2022 yili Qatardagi turnirda ular 1/8 final bosqichigacha yetib borishgan. Shvesiya terma jamoasi esa saralash guruhida oxirgi o‘rinni egallab, jahon chempionatiga yo‘llanma olgan tarixdagi ilk jamoaga aylandi. Ular UYEFA Millatlar ligasidagi natijalari tufayli o‘tish (pley-off) o‘yinlariga yo‘l olishgan edi.