Италиялик собиқ футболчи Жанфранко Дзола яна бир бор Жаҳон чемпионатининг финал босқичидан четда қолган Италия терма жамоасининг муаммолари ҳақида ўз фикрлари билан ўртоқлашди. Дзоланинг ҳисоблашича, миллий жамоа раҳбарияти тизимни қайта юклаши ва асосий эътиборни ёшларга қаратиши лозим — ваҳоланки, терма жамоанинг ҳозирги таркибида ҳам ёш ўйинчилар талайгина.
«Италияда футбол жуда муҳим рол ўйнайди. Юз берган воқеа барчани маҳзун қилди. Биз ҳаммасини қайтадан бошлашимиз, ишлашимиз ва ёшларга ишониш нақадар муҳимлигини ёдда тутишимиз керак», — дея Дзоланинг сўзларини келтиради calcionapoli1926.it.
Эслатиб ўтамиз, куни кеча италияликлар Мундиал йўлланмасини Босния ва Герцеговина терма жамоасига бой бериб қўйишган эди.
