«Барселона» Миланнинг «Интер» клуби марказий ҳимоячиси Алессандро Бастони билан шартнома имзолашга яқинлашмоқда.
«Нерадзуррилар» раҳбарияти Каталония клубига 26 ёшли футболчи билан дастлабки музокараларни ўтказишга рухсат берди, дея хабар қилмоқда La Gazzetta dello Sport. «Интер» 70-80 млн евро талаб қилаётгани ҳақидаги миш-мишлар ҳақиқатдан йироқ — аслида италиялик футболчининг бошланғич нархи 40-45 млн евро ва бонусларни ташкил этади.
Алессандро Бастони жорий мавсумда 35 та ўйинда майдонга тушиб, иккита гол урди ва жамоадошларига олти бор голли узатма етказиб берди. Футболчининг «Интер» билан амалдаги меҳнат шартномаси 2028 йилнинг ўрталарига қадар мўлжалланган.
