«Barselona» Milanning «Inter» klubi markaziy himoyachisi Alessandro Bastoni bilan shartnoma imzolashga yaqinlashmoqda.
«Neradzurrilar» rahbariyati Kataloniya klubiga 26 yoshli futbolchi bilan dastlabki muzokaralarni o‘tkazishga ruxsat berdi, deya xabar qilmoqda La Gazzetta dello Sport. «Inter» 70-80 mln yevro talab qilayotgani haqidagi mish-mishlar haqiqatdan yiroq — aslida italiyalik futbolchining boshlang‘ich narxi 40-45 mln yevro va bonuslarni tashkil etadi.
Alessandro Bastoni joriy mavsumda 35 ta o‘yinda maydonga tushib, ikkita gol urdi va jamoadoshlariga olti bor golli uzatma yetkazib berdi. Futbolchining «Inter» bilan amaldagi mehnat shartnomasi 2028 yilning o‘rtalariga qadar mo‘ljallangan.
