Миш-мишлар «Барселона» вингери Ламин Ямални «ПСЖ» билан боғлашда давом этмоқда. El Nacional нашрига таяниб Transfer News Live хабар беришича, Лига 1 гранди потенциал трансфер имкониятларини ўрганиш мақсадида 18 ёшли футболчининг агенти билан боғланган.
«ПСЖ» футбол тарихидаги энг йирик келишувга айланиши мумкин бўлган трансфер вариантларини кўриб чиқмоқда.
Ўтган ойда Париж клуби Ямалнинг трансфери учун 350 миллион евро тўлашга тайёр эканлиги ҳақида хабарлар тарқалган эди.
Қарийб тўққиз йилдан бери дунёнинг энг қиммат футболчиси мақомини Неймар ўз қўлида ушлаб турибди. 2017 йилда бразилиялик учун 222 миллион евро тўланган эди. Қизиғи шундаки, ўшанда ҳам «ПСЖ» айнан «Барселона»га тўлов қилган.
