«Сантос» Бразилия чемпионатининг 9-тури доирасида бўлиб ўтган ўйинда «Ремо» жамоасини 2:0 ҳисобида мағлуб этди. Учрашув Сантосдаги «Вила Бельмиро» стадионида бўлиб ўтди.
Ўйиннинг 40-дақиқасида Неймарнинг узатмасидан сўнг Тасиано ҳисобни очди. Баҳс якунида эса Мойзес мезбонларнинг иккинчи голини урди ва жамоасининг ғалабасини мустаҳкамлади.
Ушбу ғалабадан сўнг «Сантос» ўз очколарини 10 тага етказиб, турнир жадвалида 12-ўринга кўтарилиб олди. «Ремо» эса 6 очко билан сўнгги поғонада бормоқда.













