«Santos» Braziliya chempionatining 9-turi doirasida bo‘lib o‘tgan o‘yinda «Remo» jamoasini 2:0 hisobida mag‘lub etdi. Uchrashuv Santosdagi «Vila Belmiro» stadionida bo‘lib o‘tdi.
O‘yinning 40-daqiqasida Neymarning uzatmasidan so‘ng Tasiano hisobni ochdi. Bahs yakunida esa Moyzes mezbonlarning ikkinchi golini urdi va jamoasining g‘alabasini mustahkamladi.
Ushbu g‘alabadan so‘ng «Santos» o‘z ochkolarini 10 taga yetkazib, turnir jadvalida 12-o‘ringa ko‘tarilib oldi. «Remo» esa 6 ochko bilan so‘nggi pog‘onada bormoqda.
