Футбол юлдузлари ЖЧ-2026 учун тайёрланган LEGO рекламасида суратга тушишди. Роликда Криштиану Роналду, Лионель Месси, Килиан Мбаппе ва Винисиус Жуниор каби юқори даражадаги футболчиларни кўриш мумкин.
Рекламада тўрт нафар футболчи дастлаб жаҳон кубоги кўринишидаги конструкторни йиғишни якунлайдилар. Шундан сўнг, ҳар бир ўйинчи трофей устига ўз фигурасини ўрнатишга ҳаракат қилади. Бироқ стол айланиб турганлиги сабабли, буни амалга ошириш осон бўлмайди.
Эслатиб ўтамиз, Жаҳон чемпионати АҚШ, Канада ва Мексикада бўлиб ўтади ва 11 июнь куни старт олади. Португалия, Аргентина, Франция ва Бразилия терма жамоалари турнир фаворитлари қаторидан жой олган. Аргентиналиклар амалдаги жаҳон чемпионлари ҳисобланади.
