«Лестер» вакиллари Чемпионшипнинг жорий мавсумида жамоадан олти очко олиб ташланиши юзасидан апелляция берди. Бу ҳақда The Telegraph нашри хабар тарқатмоқда.
Аввалроқ, «тулкилар» молиявий фэйр-плей қоидаларини бузгани учун очколардан маҳрум қилиш билан жазолангани ҳақида хабар берилган эди. Очколар олиб ташлангач, жамоа Чемпионшипни тарк этиш хавфи остида қолди.
Ўз навбатида, АПЛ клубнинг апелляциясига муносабат билдириб, қарши даъво киритди. Лига раҳбарлари олти очконинг олиб ташланиши клуб учун жуда юмшоқ жазо деб ҳисобламоқда.
Чемпионшипнинг жорий мавсумида «Лестер» 45 очко билан 19-ўринда бормоқда. Жамоа хавфли ҳудуддан (қуйи лигага тушиб кетиш зонасидан) бор-йўғи беш очко олдинда.
