Лионель Месси Европани тарк этганига қарийб уч йил бўлган бўлса-да, у ҳамон 2017/18 йилги мавсум бошидан буён кучли бешлик чемпионатларида амалга оширилган муваффақиятли алдамчи ҳаракатлар (дриблинглар) сони бўйича пешқадамлик қилмоқда.
Squawka нашрининг қайд этишича, аргентиналик юлдуз кўрсатилган давр мобайнида рақибларини 826 бор алдаб ўтган — ҳозиргача ҳеч ким бу кўрсаткичга яқинлаша олгани йўқ. Иккинчи ўринни Мадриднинг «Реал» клуби ҳужумчиси Килиан Мбаппе (684) эгаллаб турган бўлса, кучли учликни Аллан Сен-Максимен (682) якунлаб берган.
Эслатиб ўтамиз, Лионель Месси 2021 йилгача «Барселона»да тўп сурган, шундан сўнг «ПСЖ»га ўтган эди. 2023 йилдан буён форвард МЛСнинг «Интер Майами» жамоаси шарафини ҳимоя қилмоқда. Жорий йилнинг июнь ойида саккиз карра «Олтин тўп» соҳиби 39 ёшни қарши олади.
