Lionel Messi Yevropani tark etganiga qariyb uch yil bo‘lgan bo‘lsa-da, u hamon 2017/18 yilgi mavsum boshidan buyon kuchli beshlik chempionatlarida amalga oshirilgan muvaffaqiyatli aldamchi harakatlar (driblinglar) soni bo‘yicha peshqadamlik qilmoqda.
Squawka nashrining qayd etishicha, argentinalik yulduz ko‘rsatilgan davr mobaynida raqiblarini 826 bor aldab o‘tgan — hozirgacha hech kim bu ko‘rsatkichga yaqinlasha olgani yo‘q. Ikkinchi o‘rinni Madridning «Real» klubi hujumchisi Kilian Mbappe (684) egallab turgan bo‘lsa, kuchli uchlikni Allan Sen-Maksimen (682) yakunlab bergan.
Eslatib o‘tamiz, Lionel Messi 2021 yilgacha «Barselona»da to‘p surgan, shundan so‘ng «PSJ»ga o‘tgan edi. 2023 yildan buyon forvard MLSning «Inter Mayami» jamoasi sharafini himoya qilmoqda. Joriy yilning iyun oyida sakkiz karra «Oltin to‘p» sohibi 39 yoshni qarshi oladi.
