Мюнхеннинг «Бавария» клуби бош мураббийи Венсан Компани жамоа ҳужум чизиғи етакчиси Ҳарри Кейннинг ҳолати ҳақида маълумот берди. Марказий ҳужумчи Англия терма жамоаси ихтиёрида бўлган вақтида жароҳат олган эди.
«Кейннинг тўпиғида муаммолар бор. У «Фрайбург»га қарши ўйинда иштирок этмайди. Аммо биз Ҳарри сешанба куни «Реал» билан бўладиган баҳсгача сафга қайтади деб умид қиламиз», — дея бельгиялик мутахассиснинг сўзларини келтиради Bayern & Germany.
Германия Бундеслигасининг жорий мавсумида 32 ёшли ҳужумчи 26 та учрашувда майдонга тушди. Англиялик футболчи ўз ҳисобига 31 та гол ва бешта голли узатмани ёздириб қўйган.
«Фрайбург» — «Бавария» учрашуви шанба куни, 4 апрель куни бўлиб ўтади.
