Myunxenning «Bavariya» klubi bosh murabbiyi Vensan Kompani jamoa hujum chizig‘i yetakchisi Harri Keynning holati haqida ma’lumot berdi. Markaziy hujumchi Angliya terma jamoasi ixtiyorida bo‘lgan vaqtida jarohat olgan edi.
«Keynning to‘pig‘ida muammolar bor. U «Frayburg»ga qarshi o‘yinda ishtirok etmaydi. Ammo biz Harri seshanba kuni «Real» bilan bo‘ladigan bahsgacha safga qaytadi deb umid qilamiz», — deya belgiyalik mutaxassisning so‘zlarini keltiradi Bayern & Germany.
Germaniya Bundesligasining joriy mavsumida 32 yoshli hujumchi 26 ta uchrashuvda maydonga tushdi. Angliyalik futbolchi o‘z hisobiga 31 ta gol va beshta golli uzatmani yozdirib qo‘ygan.
«Frayburg» — «Bavariya» uchrashuvi shanba kuni, 4 aprel kuni bo‘lib o‘tadi.
