«Монако» устози Себастьен Поконьоли Поль Погба якшанба куни оқшомда бўлиб ўтадиган «Марсель»га қарши ўйинда майдонга қайтиши мумкинлигига шама қилди.
Ҳозирча Погбанинг жорий мавсумдаги ҳисобида атиги ўттиз дақиқалик ўйин амалиёти мавжуд. Бироқ яқинда унинг жароҳатидан қутилгани ва ўйнашга тайёрлиги ҳақида хабарлар пайдо бўлди. Монегасклар мураббийи ҳам буни тасдиқлади.
«Олдинда яна бир нечта машғулотлар бор, лекин у анчадан бери гуруҳ билан бирга шуғулланмоқда ва ўсишга эришяпти. Поль ўйинда иштирок этишини инкор этмайман», — дея мутахассиснинг сўзларини келтиради derbyderbyderby.it нашри.
Эслатиб ўтамиз, Погба узоқ муддатли дисквалификацияни ўтаб бўлгач, «Монако» сафига келиб қўшилган эди. У аввал Италия ва Англия чемпионатларида тўп сурган.
