«ПСЖ» вингери Усмон Дембеле Франция чемпионатининг 28-туридан ўрин олган «Тулуза»га қарши баҳс (3:1) ҳақидаги фикрлари билан ўртоқлашди. Ушбу учрашувда футболчи дубль қайд этишга муваффақ бўлди.

«Биринчи голим? Бу жуда қийин зарба эди. Агар шундай вазиятда 10 марта зарба берганимда, эҳтимол, фақат биттаси гол билан якунланарди. Тўп менга шунчалик секин учиб келаётган эдики, мен таваккал қилиб кўриш керак деб ўйладим. Ва бу ўз самарасини берди. Ажойиб гол. Айтишим мумкин бўлса, бу гол фаолиятимдаги энг севимли уч голим қаторига киради. Бироқ «Лилль» дарвозасига киритган тўпим ҳамон рўйхатимда биринчи ўринда турибди», — дея Дембеленинг сўзларини Ligue 1+ нашри келтирмоқда.

«ПСЖ» 63 очко билан турнир жадвалида пешқадамлик қилмоқда. Иккинчи ўриндаги «Ланс» ҳисобида 4 очко кам. «Тулуза» эса 37 очко билан тўққизинчи ўринни эгаллаб турибди.