Дортмунднинг «Боруссия» клуби марказий ҳимоячиси Нико Шлоттербек жамоа билан янги шартнома имзолаш борасидаги фикрлари билан ўртоқлашди.

Яқинда «асаларилар» ва 26 ёшли футболчи ўртасидаги музокаралар боши берк кўчага кириб қолгани ҳақида хабарлар тарқалган эди. Унинг амалдаги шартномаси келаси йили ўз ниҳоясига етади ва Европанинг кўплаб гранд жамоалари келаётган ёзда футболчини арзонроқ нархда ўз сафига қўшиб олишга тайёр туришибди.

«Мен Ларс Риккен ва Оле Бок билан яхши суҳбат ўтказдим. Музокаралар келаси ҳафтада давом эттирилади. Ўйлайманки, тез орада бир қарорга келаман. Ҳар доим айтганимдек, «Боруссия»да қолишни бемалол тасаввур қила оламан, бироқ биз ҳамма нарсани келишиб олишимиз керак. Кўрамиз, воқеалар ривожи қандай тус оларкин», – дея журналист Флориан Плеттенберг Шлоттербекнинг интервьюсидан иқтибос келтирмоқда.