«Интер Майами» МЛС доирасидаги баҳсда «Остин» билан очко бўлишди (2:2).

Меҳмонлар 6-дақиқада ҳисобни очишди, бироқ кўп ўтмай Лионель Месси бунга жавоб қайтарди — 1:1. Иккинчи бўлим бошида «Остин» яна олдинга чиқиб олди. Фақат 81-дақиқага келибгина «чиғаноқлар» 73-дақиқада захирадан майдонга тушган Луис Суареснинг саъй-ҳаракатлари билан мувозанатни тиклашга муваффақ бўлишди. Айнан уругвайлик ҳужумчи учрашувнинг энг яхши футболчиси совринини қўлга киритди.

Месси нафақат голи, балки ноёб статистикаси билан ҳам ажралиб турди: у дарвоза томон жами 11 бор зарба берди (бу рақибнинг барча футболчилари берган умумий зарбалардан кўпроқ), бироқ уларнинг фақат учтаси аниқ чиқди.

38 ёшли аргентиналик юлдуз ҳисобида МЛСнинг жорий мавсумидаги бешта учрашувда аллақачон бешта гол мавжуд.