«Inter Mayami» MLS doirasidagi bahsda «Ostin» bilan ochko bo‘lishdi (2:2).
Mehmonlar 6-daqiqada hisobni ochishdi, biroq ko‘p o‘tmay Lionel Messi bunga javob qaytardi — 1:1. Ikkinchi bo‘lim boshida «Ostin» yana oldinga chiqib oldi. Faqat 81-daqiqaga kelibgina «chig‘anoqlar» 73-daqiqada zaxiradan maydonga tushgan Luis Suaresning sa’y-harakatlari bilan muvozanatni tiklashga muvaffaq bo‘lishdi. Aynan urugvaylik hujumchi uchrashuvning eng yaxshi futbolchisi sovrinini qo‘lga kiritdi.
Messi nafaqat goli, balki noyob statistikasi bilan ham ajralib turdi: u darvoza tomon jami 11 bor zarba berdi (bu raqibning barcha futbolchilari bergan umumiy zarbalardan ko‘proq), biroq ularning faqat uchtasi aniq chiqdi.
38 yoshli argentinalik yulduz hisobida MLSning joriy mavsumidagi beshta uchrashuvda allaqachon beshta gol mavjud.
