«Барселона»нинг собиқ ярим ҳимоячиси Роналдиньо «блауграна» вингери Ламин Ямални дунёнинг энг яхши футболчиларидан бири деб атади.

— Сиз ўз вақтида «Барселона»нинг 10-рақамли либосини Мессига топширгандингиз, энди эса у Ямалда. Сизнингча, «ўнлик» ишончли қўлдами?

— Шубҳасиз. У дунёдаги энг зўрлардан бири. Жуда ёш бўлса-да, ҳозирнинг ўзидаёқ ақл бовар қилмайдиган ишларни амалга оширмоқда. Шундай экан, либос ишончли қўлларда.

— Ҳозирги «Барселона»га қандай баҳо берасиз? У ҳали ҳам Европадаги энг кучли жамоалардан бирими?

— Сўзсиз, у Европадаги энг кучли жамоалардан бири бўлиб қолмоқда. Биз доимо «Барса»дан ажойиб натижалар кутамиз ва унга умид қиламиз, — деди Роналдиньо.