«Ливерпуль» ва Дортмунднинг «Боруссия» клублари собиқ устози Юрген Клопп ўзининг мураббийлик фаолиятига баҳо берди.
«Мен мураббийлик курсисида ўтирганимда ўзимни буюк мутахассис деб ҳисобламаганман. Лекин агар одамлар менинг Гвардиола билан рақобатимга эътибор қаратишаётган бўлса (мен уни дунёнинг энг яхши мураббийи деб биламан), демак, мен ҳам анча яхши ишлабман. Буни охиригача ҳис қилмаган эдим», — дея немис мутахассисининг сўзларини келтирмоқда TV2.
Эслатиб ўтамиз, Клоппнинг охирги иш жойи «Ливерпуль» бўлган эди. У инглиз грандини 2015 йилдан 2024 йилгача бошқариб, жамоани АПЛ ва Чемпионлар Лигасидаги ғалабаларга етаклаган.
