«Liverpul» va Dortmundning «Borussiya» klublari sobiq ustozi Yurgen Klopp o‘zining murabbiylik faoliyatiga baho berdi.
«Men murabbiylik kursisida o‘tirganimda o‘zimni buyuk mutaxassis deb hisoblamaganman. Lekin agar odamlar mening Gvardiola bilan raqobatimga e’tibor qaratishayotgan bo‘lsa (men uni dunyoning eng yaxshi murabbiyi deb bilaman), demak, men ham ancha yaxshi ishlabman. Buni oxirigacha his qilmagan edim», — deya nemis mutaxassisining so‘zlarini keltirmoqda TV2.
Eslatib o‘tamiz, Kloppning oxirgi ish joyi «Liverpul» bo‘lgan edi. U ingliz grandini 2015 yildan 2024 yilgacha boshqarib, jamoani APL va Chempionlar Ligasidagi g‘alabalarga yetaklagan.













