Мадриднинг «Реал» клуби бош мураббийи Альваро Арбелоа мавсум якунланганидан кейин жамоани тарк этади, деб хабар бермоқда Diario AS нашри.
Манбанинг маълумотларига кўра, испаниялик мутахассис фақатгина Чемпионлар лигасида ғалаба қозонилган тақдирда ўз лавозимини сақлаб қолиши мумкин.
Мутахассис «Реал» бошқарувини 12 январь куни, Хаби Алонсо истеъфога чиқарилганидан сўнг ўз қўлига олган эди.
Арбелоа 2009 йилдан 2016 йилгача «Реал»нинг асосий жамоасида тўп сурган ва барча турнирларда жами 238 та ўйинда майдонга тушган. «Қаймоқранглилар» билан биргаликда у саккизта совринни қўлга киритган: икки бор Чемпионлар лигасида, бир мартадан Испания чемпионати ва Суперкубогида, УЕФА Суперкубоги ва клублар ўртасидаги жаҳон чемпионатида, шунингдек, икки марта Испания кубогида зафар қучган. Шунингдек, испаниялик футболчи «Ливерпуль» ва «Вест Хэм» клублари шарафини ҳам ҳимоя қилган.
