Машҳур собиқ футболчи Алан Ширер «Арсенал»нинг Англия Кубогидаги муваффақиятсизлигидан сўнг жамоанинг Премьер-лига чемпионлик пойгасидаги имкониятларини баҳолади.
4 апрель куни Микель Артета шогирдлари чорак финал баҳсида сенсацион тарзда «Саутгемптон»га имкониятни бой берди. Ширернинг фикрича, ушбу мағлубият «тўпчилар»нинг келгуси натижаларига ўз таъсирини ўтказади.
«Бу тасодиф эмас. Ғалаба ўша оқшомдаги энг яхши жамоага насиб этди. Англия Кубогидан чиқиб кетгандан сўнг, уларга руҳий жиҳатдан қайта тикланиш ва ўз мақсадлари сари ҳаракат қилиш жуда қийин бўлади», — дея Ширернинг сўзларидан иқтибос келтирмоқда Betfair.
Айни дамда «Арсенал» Англия чемпионати турнир жадвалида пешқадамлик қилмоқда ва «Манчестер Сити»дан тўққиз очко олдинда.
