Мюнхеннинг «Бавария» клуби марказий ярим ҳимоячиси Леон Горецка жамоасининг жорий мавсумдаги истиқболларини баҳолади.
«Мен бу мавсумда ҳақиқатан ҳам ҳамма нарсанинг иложи борлигини ҳис қиляпман. Бу мавсумда барча совринларни ютишимиз мумкинлигига мутлақо ишонаман — гарчи бу қанчалик қийин эканлигини билсам ҳам. Лекин биз ҳаракат қилиб кўрамиз», — дея ярим ҳимоячининг сўзларидан иқтибос келтирмоқда Bayern & Germany.
Эслатиб ўтамиз, германиялик ярим ҳимоячи шартнома муддати тугаши муносабати билан мавсум якунида «Бавария»ни тарк этади. Горецкага аллақачон АПЛ, А Серия ва Ла Лиганинг бир нечта топ-клублари даъвогарлик қилмоқда.
Бундеслига турнир жадвалида Венсан Компани жамоаси 73 очко билан биринчи ўринни эгаллаб турибди.
