«Манчестер Сити»нинг Instagram'даги саҳифаси Ўзбекистонлик ҳимоячи Абдуқодир Ҳусанов иштирок этган эпизодга муносабат билдирди. Бу ҳолат Англия кубоги чорак финалида «Ливерпуль»га қарши учрашувда (4:0) содир бўлди.
Ўйин эпизодларидан бирида Ҳусанов «Ливерпуль» ҳужумчиси Муҳаммад Салоҳга қарши жонкуярлик билан курашди ва жамоасини голдан қутқариб қолди.
«Ҳеч қачон таслим бўлма», — деб ёзди «Манчестер Сити» Instagram саҳифаси ва Ўзбекистон байроғи эмодзисини қўшди.
Эслатиб ўтамиз, «Манчестер Сити» «Ливерпуль»ни йирик ҳисобда мағлуб этди. Ушбу ўйинда Эрлинг Холанд хет-трикка эришди, Антуан Семеньо эса яна бир голга муаллифлик қилди.
Ярим финалда Англия кубоги доирасида «Манчестер Сити» «Саутгемптон»га қарши майдонга тушади.













