«Реал»нинг собиқ ярим ҳимоячиси Тони Кроос «Барселона» вингери Ламин Ямал ҳақида юқори фикр билдирди. Немис футболчисининг фикрича, айнан Ямал бугунги кунда дунёдаги энг иқтидорли ўйинчи ҳисобланади.
«Ламин Ямал — айни дамда жаҳон футболидаги энг катта талант», — дея Крооснинг сўзларини келтиради The Touchline нашри.
Ямал бор-йўғи 18 ёшда бўлса-да, у аллақачон «Барселона»нинг асосий жамоаси сафида 147 та расмий учрашувда майдонга тушган. Ушбу ўйинларда Ламин ўз ҳисобига 46 та гол ва 50 та голли узатмани ёздириб қўйишга улгурди.
Ҳозирда «Барселона» Испания чемпионати турнир жадвалида пешқадамлик қилмоқда. Иккинчи ўриндаги «Реал» эса каталонияликлардан етти очко орқада қолмоқда. Май ойида жамоалар ўзаро «Эл-Класико»да тўқнаш келишади.
