Мадриднинг «Реал» клуби собиқ ярим ҳимоячиси Тони Кроос жамоа хавбеки Федерико Вальверденинг жорий мавсумдаги ўйини ҳақида ўз фикрларини билдириб ўтди.
«Реал» учун ўртамиёна кечаётган ушбу мавсумда Феде жамоани оз бўлса-да ўз елкасида тортишга муваффақ бўлди. У учун ҳам ҳамма нарса идеал бўлгани йўқ, бироқ унинг намойиш этаётган суръати ҳам, «Манчестер Сити»га қарши ўйини ҳам тасодиф эмас. Чунки у нафақат юқори сифатларга, балки тўғри менталитетга ҳам эга бўлган йигит. Ўшандан бери у майдонда порламоқда. Феде ҳозир кўрсатаётган даража — шунчаки ақл бовар қилмас. Умид қиламанки, бу ҳали узоқ давом этади», — дея Крооснинг сўзларидан иқтибос келтиради ESPN.
Жорий мавсумда Вальверде «Реал» сафида барча турнирларда 42 та ўйинда майдонга тушиб, 8 та гол урди ва 12 та голли узатмани амалга оширди. Эслатиб ўтамиз, бугун, 7 апрель куни Мадрид клуби ўз майдонида УЕФА Чемпионлар лигаси 1/4 финали доирасида «Бавария»ни қабул қилади.
