Арне Слот келгуси мавсумда «Ливерпуль» бош мураббийи лавозимида ишламаслиги эҳтимоли юқори. Бу ҳақда журналист Ромен Молинага таяниб The Touchline хабар бермоқда.
Қайд этилишича, «Ливерпуль» Слот ўрнига асосий номзод сифатида Хаби Алонсони кўриб чиқмоқда. Алонсо «Реал»дан кетганидан бери, тахминан уч ойдан бери ишсиз юрибди. Хаби Алонсо 2004-2009 йилларда «Ливерпуль»да футболчи сифатида тўп тепган.
Ҳозирда «Ливерпуль» Премьер-лига турнир жадвалида бешинчи ўринда бормоқда. Шанба, 11 апрель куни Арне Слот жамоаси ўз уйида «Фулхэм»га қарши чемпионат ўйинини ўтказади.
