"Челси" бош мураббийи Лиам Росеньор ўз фаолияти ҳақидаги фикрлари билан ўртоқлашди.

"Мен манман эмасман, мен ўз қилаётган ишимни яхши биламан. Вақтинчалик мураббий, ёрдамчи ёки бош мураббий бўлиб ишлаган барча жойларимда, қайси гуруҳ билан ишлашимдан қатъи назар, муваффақиятга эришганман. Шу сабабли доим "Челси" каби клубда ишлашни истаганман. Гап фақат бу ерда бўлишда эмас, балки муваффақият қозонишда. Бу мен учун фақат бошланиши, мен бор кучимни бераман.

Ҳеч ким ғалаба ёки муваффақиятга кафолат бера олмайди, лекин шу билан бирга, мен муваффақият қозонишим мумкин бўлган мавқега эришиш учун узоқ ва қаттиқ меҳнат қилдим. Мен жуда диққатлиман ва кўпчиликнинг гап-сўзлари мени чалғитмайди. Ушбу лавозимни эгаллашдан олдин "Челси" раҳбарияти билан учрашганман ва бу ерда нима қилишим кераклигини аниқ биламан.

Шунинг учун, агар "Челси" мухлисларига бирор гап айтганимда, шундай деган бўлардим: сабрли бўлинг ва умидни йўқотманг, чунки мен жамоам билан Европанинг энг кучли клублари қаторидан мустаҳкам ўрин олиш учун тинимсиз ишлаяпман", — деди Росеньор матбуот анжуманида.

Эслатиб ўтамиз, Лиам Росеньор шу йилнинг январь ойида "Челси" бошқарувига келган эди. У бу лавозимда Энцо Маресканинг ўрнини эгаллади.