«Ливерпуль» ҳужумчиси Александер Исак Чемпионлар лигаси чорак финали доирасидаги «ПСЖ»га қарши кечадиган илк ўйин қайдномасидан жой олди, деб хабар бермоқда мерсисайдликлар матбуот хизмати.

Учрашув чоршанба, 8 апрель куни Парижда бўлиб ўтади ва Тошкент вақти билан тунги соат 00:00 да бошланади.

Эслатиб ўтамиз, 20 декабрь куни Англия чемпионати 17-туридан ўрин олган «Тоттенхэм»га қарши баҳсда (2:1) Исак жароҳат олиб, майдонни тиббиёт ходимлари ёрдамида тарк этган эди. Кейинчалик футболчининг кичик болдир суяги сингани маълум бўлганди.

Исак «Ливерпуль» сафида барча турнирларда 16 та ўйин ўтказиб, 3 та гол урди. У 1 сентябрь куни «Ньюкасл»дан 145 миллион евро эвазига жамоа сафига келиб қўшилган эди.