Бутунжаҳон бокс иттифоқи (WBC) янгиланган рейтингни эълон қилди. Унга кўра, 5 нафар ўзбекистонлик боксчи топ-10 таликдан ўрин олди.

Супер оғир вазн (+90 кг):

Баҳодир Жалолов — 10-ўрин. Супер оғир вазн тоифасида икки карра Олимпия ўйинлари чемпиони бўлган Жалолов рейтингда 10-ўринда қайд этилган. Париж Олимпиадасида олтин медални қўлга киритган “Big Uzbek” ҳаваскор боксдаги фаолиятини тугатиб, тўлиқ профессионал боксга ўтишини эълон қилган эди. Баҳодир Жалоловнинг проф рингда 16 та жанг ўтказиб, уларнинг барчасида ғалаба қозонган. У 14 та жангини муддатидан аввал якунлаган.

Супер ўрта вазн (-76,2 кг):

Бектемир Мелиқўзиев — 5-ўрин. Супер ўрта вазн тоифасида иштирок этаётган Бектемир Мелиқўзиев ганалик Сена Агбекони техник нокаутга учратган Мелиқўзиев ўзига тегишли бўлган WBA қитъалараро чемпионлик камарини муваффақиятли ҳимоя қилди. Бу Бектемир учун профессионал рингдаги 17-ғалаба бўлди. Унинг ҳисобида битта мағлубият мавжуд.

Супер ярим ўрта вазн (-67 кг):

Исроил Мадримов — 5-ўрин. 30 ёшли Исроил Мадримов профессионал боксда 14 та жанг ўтказиб, 11 та ғалаба, 2 та мағлубият ва 1 та дуранг қайд этган. У кетма-кет иккита мағлубиятдан сўнг Луис Давид Салазарни мағлуб этишга муваффақ бўлди.

Ярим енгил вазн (-57 кг):

Отабек Холматов — 9-ўрин. Отабек Холматов эса 13 та ғалаба ва 1 та мағлубият қайд этган. Сўнгги жангида эса Жейсон Канойни нокаутга учратган эди.

Биринчи ярим енгил вазн (-55,2 кг):

Муроджон Аҳмадалиев — 10-ўрин. 30 ёшли Муроджон Аҳмадалиев эса сўнгги бор Наоя Иноуе билан тўқнаш келган ва ҳакамларнинг якдил қарорига кўра, имкониятни бой берган. У навбатдаги жангини 29-май куни “Ҳумо Арена”да венесуэлалик Ҳегли Москедага қарши баҳс олиб боради.