Butunjahon boks ittifoqi (WBC) yangilangan reytingni e’lon qildi. Unga ko‘ra, 5 nafar o‘zbekistonlik bokschi top-10 talikdan o‘rin oldi.

Super og‘ir vazn (+90 kg):

Bahodir Jalolov — 10-o‘rin. Super og‘ir vazn toifasida ikki karra Olimpiya o‘yinlari chempioni bo‘lgan Jalolov reytingda 10-o‘rinda qayd etilgan. Parij Olimpiadasida oltin medalni qo‘lga kiritgan “Big Uzbek” havaskor boksdagi faoliyatini tugatib, to‘liq professional boksga o‘tishini e’lon qilgan edi. Bahodir Jalolovning prof ringda 16 ta jang o‘tkazib, ularning barchasida g‘alaba qozongan. U 14 ta jangini muddatidan avval yakunlagan.

Super o‘rta vazn (-76,2 kg):

Bektemir Meliqo‘ziyev — 5-o‘rin. Super o‘rta vazn toifasida ishtirok etayotgan Bektemir Meliqo‘ziyev ganalik Sena Agbekoni texnik nokautga uchratgan Meliqo‘ziyev o‘ziga tegishli bo‘lgan WBA qit’alararo chempionlik kamarini muvaffaqiyatli himoya qildi. Bu Bektemir uchun professional ringdagi 17-g‘alaba bo‘ldi. Uning hisobida bitta mag‘lubiyat mavjud.

Super yarim o‘rta vazn (-67 kg):

Isroil Madrimov — 5-o‘rin. 30 yoshli Isroil Madrimov professional boksda 14 ta jang o‘tkazib, 11 ta g‘alaba, 2 ta mag‘lubiyat va 1 ta durang qayd etgan. U ketma-ket ikkita mag‘lubiyatdan so‘ng Luis David Salazarni mag‘lub etishga muvaffaq bo‘ldi.

Yarim yengil vazn (-57 kg):

Otabek Xolmatov — 9-o‘rin. Otabek Xolmatov esa 13 ta g‘alaba va 1 ta mag‘lubiyat qayd etgan. So‘nggi jangida esa Jeyson Kanoyni nokautga uchratgan edi.

Birinchi yarim yengil vazn (-55,2 kg):

Murodjon Ahmadaliyev — 10-o‘rin. 30 yoshli Murodjon Ahmadaliyev esa so‘nggi bor Naoya Inouye bilan to‘qnash kelgan va hakamlarning yakdil qaroriga ko‘ra, imkoniyatni boy bergan. U navbatdagi jangini 29-may kuni “Humo Arena”da venesuelalik Hegli Moskedaga qarshi bahs olib boradi.