"ПСЖ" бош мураббийи Луис Энрике Чемпионлар лигаси чорак финали доирасида "Ливерпуль"га қарши бўлиб ўтадиган жавоб учрашуви ҳақида ўз фикрларини билдирди.
Парижликлар дастлабки баҳсда устунлик қилишди ва 2:0 ҳисобида ғалаба қозонишди. Келаси сешанба куни жамоалар Англияда тўқнаш келишади.
"Биз "Энфилд"га яна ғалаба қозониш вазифаси билан боришимиз керак. Бунинг учун эса голлар уришимиз зарур. Биринчи ўйинда қўлга киритилган устунликни ҳимоя қилиб ўтирмоқчи эмасмиз. Осон бўлмаслигини биламиз, аммо энг яхши тарзда тайёргарлик кўрамиз", – дея Энрикенинг сўзларини келтирмоқда УЕФА.
