"PSJ" bosh murabbiyi Luis Enrike Chempionlar ligasi chorak finali doirasida "Liverpul"ga qarshi bo‘lib o‘tadigan javob uchrashuvi haqida o‘z fikrlarini bildirdi.
Parijliklar dastlabki bahsda ustunlik qilishdi va 2:0 hisobida g‘alaba qozonishdi. Kelasi seshanba kuni jamoalar Angliyada to‘qnash kelishadi.
"Biz "Enfild"ga yana g‘alaba qozonish vazifasi bilan borishimiz kerak. Buning uchun esa gollar urishimiz zarur. Birinchi o‘yinda qo‘lga kiritilgan ustunlikni himoya qilib o‘tirmoqchi emasmiz. Oson bo‘lmasligini bilamiz, ammo eng yaxshi tarzda tayyorgarlik ko‘ramiz", – deya Enrikening so‘zlarini keltirmoqda UEFA.













