УЕФА Чемпионлар лигаси чорак финалининг дастлабки баҳсида Франциянинг «ПСЖ» клуби ўз уйида «Ливерпуль» устидан 2:0 ҳисобида ғалаба қозонди. Бўлиб ўтган учрашув борасида парижликлар ярим ҳимоячиси Уоррен Заир-Эмери ўз фикрлари билан ўртоқлашди.

«Биз бундан ҳам кўпроқ гол уришимиз мумкин эди. 2:0 — яхши устунлик, аммо ҳали ҳеч нарса ҳал бўлгани йўқ. «ПСЖ» «Энфилд»га худди бугунгидек кайфият билан йўл олади. Биз ғалаба учун майдонга тушамиз. Учрашувга тўлиқ концентрация билан ёндашишимиз керак», — дея ярим ҳимоячининг сўзларини келтирмоқда УЕФА матбуот хизмати.