Польшалик дарвозабон Войцех Шесни "Барселона" раҳбариятини тўлиқ қониқтиради. Бу ҳақда Diario SPORT хабар бермоқда.
Бироқ, Шеснининг "Барселона"даги келажаги Штеген бўйича қабул қилинган қарорга боғлиқлиги таъкидланмоқда. Шеснининг ўзи "кўк-анорранглилар" сафида ўйнашдан жуда мамнун ва клуб ундан манфаатдор экан, жамоада қолишни хоҳлайди.
Шесни 2024 йил октябрь ойида "Барселона" футболчисига айланди. Жорий мавсумда у барча мусобақаларда ўнта ўйин ўтказиб, 17 та гол ўтказиб юборди ва фақат бир марта ўз дарвозасини дахлсиз қолдира олди.
35 ёшли польякнинг каталонияликлар билан амалдаги меҳнат шартномаси 2027 йилнинг ёзида тугайди.













