Россиялик машҳур мураббий Юрий Сёмин «Манчестер Сити» марказий ҳимоячиси Абдуқодир Ҳусановнинг ўйини ҳақида ўз фикрлари билан ўртоқлашди. Экспертнинг таъкидлашича, Ўзбекистон терма жамоаси футболчиси ҳам марказий ҳимоячи, ҳам латераль позициясида жуда сифатли ўйин кўрсатмоқда.
«Ҳусанов мен учун ҳақиқий кашфиёт бўлди! Бизнинг «кўзи очиқ» (ҳамма нарсани олдиндан кўра биладиган) селекционерларимиз қаерда эди? Қандай қилиб бундай ўйинчини қўлдан чиқариб юбордингиз? Гвардиола эса бу олмосни пайқади ва уни ўз жамоасига олди», — дея Сёминнинг сўзларини келтирмоқда «Спорт-Экспресс».
Жорий мавсумда 22 ёшли Ҳусанов «шаҳарликлар» таркибида 30 та ўйинда майдонга тушди, бироқ ҳозирча самарали ҳаракатлар билан ажралиб тургани йўқ.
