Луис Энрике «ПСЖ» билан янги шартнома имзолашга яқин турибди. RMC Sport хабарига кўра, мураббий ва клуб ўртасидаги келишув 2030 йилнинг ўрталарига қадар мўлжалланиши кутилмоқда. Парижликлар ушбу масалани мавсум якунига қадар ҳал қилишни мақсад қилган.
Шартнома узайтирилгач, Энрикенинг маоши сезиларли даражада ошиши керак — мутахассис Европанинг энг кўп маош олувчи кучли уч мураббийи қаторига кириши мумкин. Шу билан бирга, Луис пул масаласига ҳаддан ташқари берилган эмас. У клубда ўзини қулай ҳис қилмоқда ва жамоанинг спорт лойиҳасига тўлиқ содиқ қолган.
Луис Энрике қўл остида «ПСЖ» ўнта совринни қўлга киритди, хусусан, 2025 йилда клуб тарихидаги илк Чемпионлар лигаси кубогига эга чиқди.
