Лондоннинг «Арсенал» клуби сардори Мартин Эдегор Премьер-лига доирасида «Борнмут»га қарши кечадиган бўлажак ўйин ҳақида ўз фикрларини билдирди.
«Канонирлар» учун ўз майдонида кечадиган «олчалар»га қарши учрашув шанба куни Тошкент вақти билан соат 16:30 да бошланиши режалаштирилган.
«Ҳозир барча турнирлардаги ҳар бир ўйин катта аҳамиятга эга. Айнан апрель ва май ойларида мавсум тақдири ҳал бўлади. «Эмирейтс»га қайтганимиздан хурсандмиз. Чемпионатда анчадан бери ўйнамадик — бу ғалати туйғу, лекин шу сабаб жанговар руҳиятимиз янада ошган. Ўйин бошланишини интизорлик билан кутяпмиз ва «Эвертон» билан баҳсдаги муваффақиятимизни давом эттирмоқчимиз», — дея инглиз ОАВлари Эдегорнинг сўзларини келтирмоқда.
