«Ливерпуль»нинг нидерландиялик ҳимоячиси Виржил ван Дейк Англия Премьер-лигасининг 32-тури доирасидаги Лондоннинг «Фулхэм» жамоасига қарши баҳс олдидан ўз фикрларини билдирди.
«Биз ҳозир бор эътиборимизни «Фулхэм» билан бўладиган муҳим ўйинга қаратишимиз керак. Мавсумнинг сўнгги ҳафталари кўп нарсани ҳал қилади. «Ливерпуль»ни АПЛда олдинда яна еттита учрашув кутмоқда. Биз Чемпионлар лигасига йўлланма олиш учун бор кучимизни ишга солишимиз шарт. Майдонда 100 фоиз бор имкониятимизни кўрсатамиз», — дея футболчининг сўзларини келтирмоқда клуб матбуот хизмати.
«Ливерпуль» — «Фулхэм» учрашуви бугун, 11 апрель куни «Энфилд» стадионида бўлиб ўтади. Ўйин Тошкент вақти билан 21:30 да бошланиши режалаштирилган.
