«Liverpul»ning niderlandiyalik himoyachisi Virjil van Deyk Angliya Premyer-ligasining 32-turi doirasidagi Londonning «Fulxem» jamoasiga qarshi bahs oldidan o‘z fikrlarini bildirdi.
«Biz hozir bor e’tiborimizni «Fulxem» bilan bo‘ladigan muhim o‘yinga qaratishimiz kerak. Mavsumning so‘nggi haftalari ko‘p narsani hal qiladi. «Liverpul»ni APLda oldinda yana yettita uchrashuv kutmoqda. Biz Chempionlar ligasiga yo‘llanma olish uchun bor kuchimizni ishga solishimiz shart. Maydonda 100 foiz bor imkoniyatimizni ko‘rsatamiz», — deya futbolchining so‘zlarini keltirmoqda klub matbuot xizmati.
«Liverpul» — «Fulxem» uchrashuvi bugun, 11 aprel kuni «Enfild» stadionida bo‘lib o‘tadi. O‘yin Toshkent vaqti bilan 21:30 da boshlanishi rejalashtirilgan.
