«Манчестер Юнайтед» ёзги трансфер ойнасида ҳужум чизиғини кучайтириш учун янги номзодларни белгилаб олди.

Sky Sports хабарига кўра, «қизил иблислар»нинг шорт-листига ҳужумчилар — Ян Диоманде ва Илиман Ндиайе киритилган. 19 ёшли Диоманде ҳозирда "РБ Лейпциг" сафида ёрқин мавсум ўтказмоқда — у Бундеслигада 27 ўйинда 10 та гол урди. Унинг Германия клуби билан шартномаси 2030 йилгача амал қилади.

Ўз навбатида, "Эвертон" сенегаллик ҳужумчи Илиман Ндиайе Премьер-лиганинг жорий мавсумида 6 та гол ва 3 та голли узатмага муаллифлик қилди.

Шунингдек, «Манчестер Юнайтед» "Астон Вилла" ярим ҳимоячиси Морган Рожерсга ҳам қизиқиш билдирмоқда. Клуб келаси мавсум олдидан ҳужумнинг чап қанотини кучайтиришни режалаштирмоқда.