«Барселона» ҳужумчиси Ламин Ямаль жума кунги жамоа машғулоти пайтида ноқулайлик ҳис қилди ва шунинг ортидан машғулотни тарк этди. Бу ҳақда Sport.es хабар берди.
Манба маълумотига кўра, тиббий текширув 18 ёшли вингерда жиддий жароҳат йўқлигини кўрсатган. Таъкидланишича, Ямалда мушакда енгил чўзилиш бор, бу эса уни 11 апрель, шанба куни бўлиб ўтадиган "Эспаньол"га қарши ўйинга жалб қилинишига тўсқинлик қилмайди. «Барселона» шифокорлари испаниялик футболчига кеча давомида дам олишни тавсия қилган.
Жорий мавсумда Ямал барча мусобақаларда 42 та ўйинда майдонга тушиб, 21 та гол ва 16 та голли узатмага муаллифлик қилди. Унинг клуб билан амалдаги шартномаси 2031 йил ёзигача мўлжалланган.













