"Милан" бош мураббийи Массимилиано Аллегри жамоасининг сўнгги ўйинлардаги паст самарадорлиги ҳақидаги саволга жавоб берди.
Барча турнирлардаги охирги еттита баҳсда "россонерилар" атиги олтита гол уришга муваффақ бўлишди.
"Рақиб дарвозаси олдида янада тажовузкорроқ бўлишимиз, кўпроқ зарба йўллашимиз керак. Таркибимизда гол уришни биладиган футболчилар бор. Ишончим комил, мавсум якунига қадар улар ҳали ўз сўзларини айтишади", — дея мутахассиснинг сўзларини келтиради MilanNews нашри.
Италия А Сериясининг 31-турида "Наполи"дан қабул қилинган мағлубиятдан (0:1) сўнг, "Милан" 63 очко билан турнир жадвалида учинчи ўринни эгаллаб турибди.
Бугун, 11 апрель куни Аллегри жамоаси ўз майдонида "Удинезе"ни қабул қилади.
