Дортмунднинг «Боруссия» клуби мухлислари Бундеслиганинг 29-тури доирасида «Байер»га қарши кечган баҳсда (0:1) жамоа марказий ҳимоячиси Нико Шлоттербекга нисбатан ҳуштаклар билан норозилик билдиришди. Бу ҳақда Buli News нашри хабар бермоқда.
Тахминларга кўра, мухлисларнинг бундай муносабати футболчи яқинда имзолаган янги шартномадаги товон пули ҳақидаги хабарлар билан боғлиқ. Аввалроқ тарқалган маълумотларга кўра, Шлоттербекнинг шартномасидаги товон пулини фақатгина Мюнхеннинг «Бавария» ва Мадриднинг «Реал» клублари тўлаши мумкинлиги ҳақида банд мавжуд.
Қайд этиш жоизки, «Байер»дан қабул қилинган ушбу мағлубиятдан сўнг, «Боруссия»нинг чемпионлик учун имкониятлари сезиларли даражада пасайиб кетди.
